Question 1

Hver er munurinn á venjulegri og stýrðri vefhýsingu?

Accepted Answer

Venjuleg vefhýsing eins og önnur fyrirtæki hér á landi bjóða upp á veitir viðskiptavininum aðgang að stjórnborði þar sem hægt er að sjá um vefinn. Hins vegar veitir slík þjónusta ekki vöktun á vefinum né uppsetningu og umsjón með honum. Okkar vefhýsing veitir slíka umsjón jafnvel í mest 'basic' pakkanum.

Question 2

Get ég hýst WordPress síðu?

Accepted Answer

Já, hægt er að hýsa WordPress síðu í stýrða vefhýsingarumhverfinu okkar. Við sjáum um að setja upp og/eða flytja vefinn þinn inn í okkar kerfi. Þaðan af er vefurinn kominn upp og hægt að stjórna honum, við veitum svo þá þjónustu sem innifalin er í pakkanum þínum.

Question 3

Get ég hýst WooCommerce netverslun?

Accepted Answer

Já, rétt eins og með WordPress síður er hægt að hýsa WooCommerce netverslun í stýrða vefhýsingarumhverfinu okkar.

Question 4

Get ég hýst Shopify framenda?

Accepted Answer

Já hægt er að hýsa framenda fyrir Shopify verslun. Hvort sem hann er á vegum Spaugs eða annað sér vefforit hefurðu einfaldlega samband við okkur og saman finnum við bestu leiðina til að koma þínum vef í loftið. Oft eru Shopify framendar smíðaðir í tólum eins og React, Next.js, Vue, o.s.fr.v. Við mælum með að fá ráðgjöf frá okkar sérfræðingum til þess að finna bestu lausnina fyrir umræddan vef

Question 5

Hvernig get ég greitt?

Accepted Answer

Hægt er að greiða með greiðslukorti, kredit og debet, útgefnu af Visa eða MasterCard. Viðskiptavinir með íslenska kennitölu geta valið að fá reikning í heimabanka á gjalddaga hverrar þjónustu

Question 6

Get ég flutt mig frá öðrum hýsingaraðila til Spaugs?

Accepted Answer

Já, hægt er að gera það sjálf/t/ur með því að fá afrit af skránum sem byggja upp vefinn þinn, svo getum við notað þær til þess að flytja allt inn í okkar umhverfi. Eina sem mikilvægt er að muna er að skránnar mega ekki breytast eftir að þær hafa verið afritaðar, þá verður eldri útgáfa af vefinum sett í loftið okkar megin.

Question 7

Fyrrum hýsingarveitandi minn býður tölvupósthýsingu, gerið þið það?

Accepted Answer

Já og nei - við setjum upp og rekum tölvupósthýsingu fyrir viðskiptavini í Microsoft 365 og Google Workspace, en það er selt sem sér þjónusta og ekki innifalið í okkar vefhýsingarpökkum.

Question 8

Er diskapláss og/eða gagnamagn takmarkað?

Accepted Answer

Diskapláss og gagnamagn er ótakmarkað innan skikkanlegra marka. Þ.e. að nema verið sé að nota óvenjulega mikið af öðru hvoru, eins og skilgreint er í þjónustuskilmálum, þá eru engar sérstakar hömlur á þessari notkun. Best er að ráðfæra sig við þjónustuskilmála Spaugs fyrir hreint svar og/eða hafa samband við okkar sérfræðinga sem geta metið hvort notkunin sé eðlileg og þá gefið skriflega staðfestingu á því.

Þjónusta

Stýrð vefhýsing sem einfaldar reksturinn

Vefhýsing lendir bráðum